Agjencia e Kosovës për Akreditim monitoron Kolegjin Tempulli

Në kuadër të vizitave të rregullta të fillimit të vitit akademik 2025/2026, Kolegji Tempulli pati kënaqësinë të mirëpresë në ambientet e tij ekipin monitorues nga Agjencia e Kosovës për Akreditim (AKA).

Gjatë takimit, zyrtarët e AKA-së përcollën urimet për fillimin e vitit të ri akademik dhe zhvilluan një diskutim të frytshëm me stafin akademik të kolegjit, duke trajtuar çështje që lidhen me:

• zbatimin e standardeve të akreditimit;

• përmirësimin e vazhdueshëm të cilësisë akademike;

• forcimin e mekanizmave të brendshëm të sigurimit të cilësisë;

• përputhjen me kërkesat e Manualit të Akreditimit dhe Rregullores për Monitorim dhe procedurat pasakredituese.

Profesorët e Kolegjit Tempulli theksuan vlerësimin dhe mirënjohjen e tyre për qasjen profesionale, udhëzimet konstruktive dhe bashkëpunimin e hapur që karakterizoi ekipin monitorues gjatë kësaj vizite.

Ky bashkëpunim i ndërsjellë ndërmjet AKA-së dhe Kolegjit Tempulli përbën një shembull të mirë të përkushtimit institucional ndaj cilësisë, transparencës dhe zhvillimit të qëndrueshëm në arsimin e lartë, në përputhje me standardet vendore dhe ndërkombëtare të sigurimit të cilësisë.