ALUMNI – Rrjeti i të Diplomuarve të Kolegjit Tempulli

Rrjeti ALUMNI i Kolegjit Tempulli është krijuar me qëllim që të ruajë lidhjen e qëndrueshme ndërmjet institucionit dhe të diplomuarve të tij, duke ndërtuar një komunitet aktiv, profesional dhe bashkëpunues. Përmes këtij rrjeti, ish-studentët mbeten pjesë e pandashme e jetës akademike dhe profesionale të kolegjit dhe kontribuojnë në zhvillimin e mëtejshëm të tij.

Rrjeti ALUMNI ka për qëllim:

• Ruajtjen e marrëdhënieve afatgjata me ish-studentët përmes aktiviteteve sociale, profesionale dhe akademike.

• Përfshirjen e alumnive në zhvillimin e programeve, trajnimeve dhe iniciativave të ndryshme të kolegjit.

• Mbështetjen e studentëve aktualë përmes mentorimit, këshillimeve dhe mundësive të rrjetëzimit profesional.

• Promovimin e vlerave, reputacionit dhe imazhit të Kolegjit Tempulli në komunitet dhe tregun e punës.

Të gjithë studentët që kanë përfunduar me sukses programet e studimit në Kolegjin Tempulli konsiderohen automatikisht pjesë e Rrjetit ALUMNI:

• Anëtarësimi është falas dhe formalizohet përmes regjistrimit online.

• Zyra për Karrierë mirëmban databazën zyrtare të alumnive dhe siguron komunikim të rregullt me ta.

Rrjeti ALUMNI koordinohet nga Zyra për Karrierë, e cila:

• Mban databazën e të diplomuarve dhe komunikon me ta për mundësi karriere dhe zhvillimi profesional.

• Organizojnë aktivitete, evente profesionale dhe takime për rrjetëzim.

• Mund të krijojë grupe pune ose borde këshillimore të përbërë nga anëtarë të alumnive për projekte dhe iniciativa specifike.
   

Rrjeti i të diplomuarve zhvillon aktivitete të ndryshme, si:

• Takime vjetore, ngjarje profesionale dhe të rrjetëzimit.

• Pjesëmarrje të alumnive në tryeza, ligjërata, seminare, panele dhe panaire karriere.

• Publikimi me histori suksesi, njoftime dhe aktivitete relevante.
   

Kolegji Tempulli e vlerëson shumë rolin e alumnive dhe u ofron mundësi të kontribuojnë në:

• Zhvillimin strategjik dhe akademik të kolegjit përmes ideve dhe rekomandimeve.

• Pjesëmarrjen në panele, takime dhe aktivitete institucionale me rëndësi.

• Promovimin e vlerave të institucionit përmes arritjeve profesionale të secilit anëtar.

 

ALUMNI i Kolegjit Tempulli është më shumë se një rrjet – është komuniteti ynë i përbashkët, i ndërtuar mbi vlera, profesionalizëm dhe bashkëpunim.

Ju ftojmë të regjistroheni dhe të bëheni pjesë aktive e këtij komuniteti që vazhdimisht ndikon pozitivisht në shoqëri, industri dhe gjeneratat e ardhshme të studentëve.