SEE-GL (Skills and Employment Enhancement in Green Logistics) është një projekt dyvjeçar Erasmus+ për Ndërtimin e Kapaciteteve në fushën e Arsimit dhe Formimit Profesional (AFP), që synon të pajisë sektorin e logjistikës në Ballkanin Perëndimor me aftësitë dhe kompetencat e nevojshme për tranzicionin e gjelbër dhe të qëndrueshëm.

Kolegji Tempulli është një nga partnerët e Universitetit Ekonomik të Vjenës (WU – Wirtschaftsuniversität Wien) në organizimin e Shkollës Verore “Barrier-Free Public Transport (BFPT) 2025”, e cila do të zhvillohet në Vjenë, Austri.

​Kosovo Challenge Fund (KCF) është një iniciativë financimi me grante, e krijuar për të forcuar rëndësinë dhe cilësinë e arsimit dhe trajnimit profesional në Kosovë (VET). Qëllimi kryesor i KCF është të zvogëlojë hendekun mes arsimit tradicional dhe kërkesave praktike të tregut të punës, duke mbështetur programe të trajnimit kooperativ (dual) në partneritet midis institucioneve arsimore profesionale dhe ndërmarrjeve.

Kolegji Tempulli do të zbatojë një program për zhvillimin e aftësive digjitale në sektorin e transportit dhe logjistikës, me fokus në përgatitjen e profesionistëve për përdorimin e teknologjive moderne dhe standardeve digjitale evropiane.

Aktivitetet do të përfshijnë zhvillimin e moduleve dhe materialeve të trajnimit, trajnimin e trajnerëve lokalë, organizimin e trajnimeve praktike për profesionistë të sektorit, hartimin e udhëzuesve praktikë dhe materialeve digjitale dhe bashkëpunimin me kompanitë e transportit dhe logjistikës në Kosovë dhe Shqipëri.

Ky partneritet synon të forcojë aftësitë digjitale të fuqisë punëtore, të mbështesë ndërmarrjet në përdorimin e mjeteve moderne të logjistikës dhe të kontribuojë në rritjen e konkurrueshmërisë së sektorit.

RECONOMY është një program për zhvillim ekonomik gjithëpërfshirës dhe të gjelbër, i financuar nga Qeveria e Suedisë dhe i zbatuar nga Helvetas në vendet e Partneritetit Lindor dhe Ballkanit Perëndimor.