Vizita e radhës në kuadër të “Siguria në rrugë 2025” – Shkolla Fillore “Dr. Ibrahim Rugova”, Obiliq

Pas lansimit të suksesshëm të aktiviteteve të edicionit të 9-të të Rivistës Shkollore “Siguria në rrugë” në Prishtinë, fushata vetëdijësuese vijoi me vizitën tonë të dytë në Shkollën Fillore “Dr. Ibrahim Rugova” në Obiliq.

Në bashkëpunim me AMRKS , MASHTI-n, Kosovo Police dh@oscekosovo, u mbajtën ligjërata edukative për nxënësit, me qëllim ngritjen e vetëdijes për sigurinë në trafik. Përmes diskutimeve interaktive, nxënësit patën mundësinë të mësojnë për sjelljet e sigurta në rrugë dhe rëndësinë e respektimit të rregullave të trafikut.

Si pjesë e aktivitetit, u shpërndanë fletushka ilustrative për ngjyrosje dhe vizore elastike, si mjete praktike dhe argëtuese për përvetësimin më të lehtë të informacionit.

Theksi i veçantë iu kushtua rëndësisë së mbajtjes së helmetës gjatë përdorimit të biçikletave dhe trotineteve, si dhe njohjes me shenjat rrugore që ndihmojnë në orientimin dhe sigurinë e fëmijëve në rrugë. Vazhdojmë së bashku për rrugë më të sigurta!