Tempulli pjesë e takimit të përbashkët të Klasterëve të Odës Ekonomike Gjermano-Kosovare (OEGJK)

Si anëtare e rregullt e OEGJK, Kolegji Tempulli morri pjesë në takimin e përbashkët të Klasterëve të Odës Ekonomike Gjermano-Kosovare (OEGJK), e udhëhequr nga Besnik Vasolli, Drejtor Ekzekutiv i OEGJK-së, dhe Eriola Muhaxhiri, Udhëheqëse e Departamentit për Marrëdhënie Qeveritare dhe Avokim në OEGJK.

Duke sjellë së bashku kryesues të Klasterëve dhe përfaqësues të kompanive anëtare të OEGJK-së nga sektorë të ndryshëm për të shkëmbyer ide dhe për të adresuar zhvillimet më të fundit në industritë përkatëse, takimi shërbeu si një platformë për diskutime strategjike dhe miratimin e disa ndryshimeve në strukturën e Klasterëve.

Takimi u përmbyll me një diskutim të hapur, duke theksuar rëndësinë e bashkëpunimit ndërsektorial dhe ndarjes së përvojave për të mbështetur zhvillimin e qëndrueshëm ekonomik dhe forcimin e komunitetit të biznesit në Kosovë.