Tempulli merr pjesë në takimin vjetor të IRU Academy

Kolegji Tempulli mori pjesë sot në takimin vjetor të IRU Academy, i cili mblodhi mbi 50 pjesëmarrës nga mbarë bota. Si anëtar i rregullt dhe aktiv i këtij rrjeti ndërkombëtar, Tempulli kontribuoi në diskutimet profesionale që u udhëhoqën nga z. Patrick Philipp, Drejtor i Certifikimeve dhe Standardeve në IRU.

Gjatë takimit u prezantuan rezultatet e monitorimit të performancës së qendrave trajnuese të akredituara nga IRU Academy në nivel global. Diskutimet u fokusuan në sfidat dhe përmirësimet e nevojshme për rritjen e cilësisë së trajnimeve, me theks të veçantë te formalizimi i mëtejmë i sektorit të transportit rrugor.

Një pikë e rëndësishme e rendit të ditës ishte edhe interesi në rritje për implementimin e kornizës së Ekzaminuesit IRU, ku edhe Kosova është pjesë aktive përmes institucioneve të saj trajnuese. U trajtuan gjithashtu zhvillimet e fundit në programet e kompetencës profesionale CPC, si dhe hapat për harmonizimin e tyre me standardet ndërkombëtare.

Nga Kosova në këtë takim morën pjesë Prof. Muhamed Krasniqi dhe Prof. Adem Selmani, të cilët paraqitën përvojat dhe zhvillimet nga Kolegji Tempulli, si një ndër qendrat më aktive në trajnimet profesionale për transportin rrugor në rajon.