Konkurs për vend të lirë pune

BPrAL Kolegji Tempulli për të plotësuar nevojat e Kolegjit shpall konkurs për këtë vend të lirë pune:

Koordinator/e të Zyrës për Bashkëpunime Ndërkombëtare dhe Projekte

1. Roli

Kolegji Tempulli kërkon një Koordinator/e për Zyrën e Bashkëpunimeve Ndërkombëtare dhe Projekteve, i/e cili/a do të jetë përgjegjës/e për zhvillimin, koordinimin dhe menaxhimin e bashkëpunimeve ndërkombëtare dhe projekteve institucionale.

Pozita ka për qëllim rritjen e ndërkombëtarizimit të institucionit përmes partneriteteve strategjike, pjesëmarrjes në programe ndërkombëtare (Erasmus+), si dhe zhvillimit dhe menaxhimit të projekteve akademike dhe kërkimore. Koordinatori/ja luan rol kyç në ndërtimin e rrjeteve ndërkombëtare, mobilitetin e stafit dhe studentëve, si dhe në sigurimin e financimeve përmes projekteve.

2. Detyrat dhe përgjegjësitë

· Zhvillon dhe zbaton strategjinë për bashkëpunime ndërkombëtare dhe projekte në përputhje me objektivat e Kolegjit.

· Identifikon mundësi për aplikim në projekte ndërkombëtare (Erasmus+, Horizon Europe, etj.).

· Koordinon përgatitjen dhe aplikimin në projekte në bashkëpunim me stafin akademik dhe partnerët ndërkombëtarë.

· Menaxhon dhe monitoron zbatimin e projekteve të fituara, duke siguruar përmbushjen e objektivave dhe afateve.

· Ndërton dhe mirëmban partneritete me universitete, organizata dhe institucione ndërkombëtare.

· Koordinon programet e mobilitetit për studentë dhe staf (incoming dhe outgoing).

· Ofron mbështetje për studentët dhe stafin në proceset e aplikimit për mobilitete dhe projekte.

· Përgatit dhe menaxhon marrëveshje bashkëpunimi (MoU, inter-institutional agreements, etj.).

· Promovon aktivitetet ndërkombëtare dhe projektet e Kolegjit brenda dhe jashtë institucionit.

· Organizon evente ndërkombëtare, vizita studimore dhe aktivitete të tjera relevante.

· Menaxhon databaza të partnerëve, projekteve dhe mobiliteteve.

· Përgatit raporte periodike për aktivitetet dhe rezultatet e projekteve dhe bashkëpunimeve.

· Bashkëpunon me njësitë akademike dhe administrative për integrimin e dimensionit ndërkombëtar në programe studimore.

· Kryen detyra të tjera sipas kërkesës së mbikëqyrësit, në përputhje me pozitën.

3. Kualifikimet e kërkuara

· Diplomë universitare (preferohet Master) në Menaxhim, Marrëdhënie Ndërkombëtare, Edukim, Ekonomi ose fusha të ngjashme.

· Përvojë pune së paku 2–3 vite në menaxhim projektesh, bashkëpunime ndërkombëtare ose fusha të ngjashme.

· Përvojë në përgatitjen dhe menaxhimin e projekteve ndërkombëtare (p.sh. Erasmus+, Horizon Europe) përbën avantazh.

· Aftësi shumë të mira në shkrim projektesh dhe aplikime për fonde.

· Aftësi të shkëlqyera komunikimi, negocimi dhe ndërtimi partneritetesh.

· Aftësi të mira organizative dhe menaxhuese.

· Njohuri të mira të proceseve të ndërkombëtarizimit në arsimin e lartë.

· Aftësi në përdorimin e mjeteve digjitale dhe platformave për menaxhim projektesh.

· Njohuri shumë të mira të gjuhës angleze (njohja e gjuhëve të tjera përbën avantazh).

· Integritet profesional dhe aftësi për të punuar në ekip.

Vendi i punës: BPrAL Kolegji Tempulli, Rr.Eduard Lir, 157, Lagja Arbëria, 10000 Prishtinë, Republika e Kosovës

Orari: 40 orë në javë

Dorëzimi i dokumentacionit:

Të gjithë kandidatët e interesuar të cilët i plotësojnë kushtet e konkursit për të aplikuar duhet të dorëzojnë dokumentet si në vijim: CV, letër motivuese si dhe dëshmitë e shkollimit apo kualifikimeve përkatëse. Dokumentet duhet të dorëzohen në formë elektronike në email adresën: info@tempulli.org duke shkruar në subjekt pozitën të cilën aplikoni. Vetëm kandidatët e përzgjedhur do të ftohen në intervistë.

Konkursi mbetet i hapur nga data 04.04.2026 deri me 04.05.2026