Kolegjit Tempulli i vazhdohet autorizimi deri në vitin 2030 për trajnimin e Instruktorëve të shoferëve

Prishtinë, Shtator 2025

Ministria e Mjedisit, Planifikimit Hapësinor dhe Infrastrukturës, i ka vazhduar autorizimin Kolegjit Tempulli për edhe pesë vite të tjera, deri në vitin 2030, për organizimin dhe mbajtjen e trajnimit profesional për Instruktorë të shoferëve.

Ky kualifikim kombëtar, i kategorizuar në Nivelin 5 të Kornizës Kombëtare të Kualifikimeve, është një nga trajnimet më të rëndësishme në fushën e edukimit dhe aftësimit të shoferëve të rinj në vend. Tempulli mbetet institucioni i parë dhe i vetëm i akredituar dhe i autorizuar në Kosovë për ofrimin e këtij kualifikimi, duke vazhduar kështu rolin e tij udhëheqës në ngritjen e standardeve profesionale në fushën e trajnimeve për patentë shofer.

Me këtë rast, Prof. Muhamed Krasniqi, Drejtor i Kolegjit Tempulli, shprehu mirënjohjen e tij për bashkëpunimin institucional me MMPHI-në dhe shtoi se: “Jam krenar dhe falënderues për kontributin e secilit koleg në ofrimin e këtij trajnimi tash e dy dekada pandërprerë. Kontributi i Tempullit në trajnimet bazike dhe periodike në fushën e patentë Shoferit, ka qenë i pazëvendësueshëm në rritjen e kapaciteteve profesionale në industrinë e auto-shkollave dhe në sistemin e organizimit të provimeve për patentë shofer në Kosovë.” Ai gjithashtu inkurajoi të rinjtë që të regjistrohen në këtë program trajnues, duke theksuar se përveç një trajnimi sipas standardeve më të larta të cilësisë, ky kualifikim u garanton atyre mundësi të sigurta punësimi në auto-shkollat e vendit.

Ky vendim i Ministrisë është një hap i rëndësishëm drejt forcimit të bashkëpunimit në mes të Tempullit dhe MMPHi-së në ngritjen e kapaciteteve profesionale në sektorin e auto shkollave dhe të sigurisë rrugore në Kosovë.