Kolegji Tempulli zhvillon Punëtorinë e Dytë për përcaktimin e objektivave strategjike

Prishtinë, Korrik 2025

Në vazhdim të procesit të hartimit të Planit Strategjik 2026–2030, Kolegji Tempulli zhvilloi Punëtorinë e Dytë, e cila u përqendrua në përcaktimin e objektivave dhe prioriteteve strategjike të institucionit.

Duke u bazuar në gjetjet e analizës së gjendjes dhe analizës SWOT të zhvilluar në Punëtorinë e Parë, pjesëmarrësit diskutuan drejtimet kryesore në të cilat duhet të fokusohet Kolegji Tempulli gjatë periudhës 2026–2030.

Në mënyrë të veçantë, u diskutuan objektivat që lidhen me zhvillimin akademik, sigurimin dhe avancimin e cilësisë, kërkimin shkencor dhe inovacionin, ndërkombëtarizimin, zhvillimin profesional të stafit, bashkëpunimin me industrinë dhe përmirësimin e përvojës së studentëve.

Për secilin drejtim u shqyrtuan treguesit kryesorë të performancës (KPI), të cilët do të mundësojnë matjen e progresit dhe vlerësimin e rezultateve të planit. Gjithashtu, u diskutua përcaktimi i caqeve të matshme për periudhën 2026–2030.

Punëtoria synoi të sigurojë që objektivat strategjike të jenë të qarta, të matshme dhe të lidhura me nevojat dhe kapacitetet reale të institucionit.