top of page

Fushata ‘Siguria në Rrugë 2025’ Përmbyllet me Vizita në Ferizaj dhe Fushë Kosovë


Në bashkëpunim me AMRKS, MASHTI-n, Kosovo Police OSCE Mission in Kosovo, përmbyllëm me sukses ciklin e ligjëratave edukative për sigurinë në rrugë me vizitat në dy shkollat e fundit të këtij projekti.

Fushata vetëdijësuese “Siguria në rrugë 2025” përfundoi me aktivitete në:

  1.  Shkollën Fillore “Jeronim De Rada” në Ferizaj

  2.  Shkollën Fillore “Daut Bogujevci” në Fushë Kosovë

Gjatë këtyre vizitave përmbyllëse, nxënësit u angazhuan në:

  •  Mësimin e sjelljeve të sigurta në trafik

  •  Rëndësinë e respektimit të rregullave rrugore

  •  Përdorimin e helmetës gjatë ngasjes së biçikletës dhe trotinetit

  •  Njohjen e shenjave rrugore dhe orientimin e sigurt në rrugë

 Si pjesë e ndërveprimit edukativ, u shpërndanë fletushka për ngjyrosje dhe vizore elastike – mjete kreative që përforcojnë mesazhin edukativ.

Faleminderit dy shkollave për mikpritjen dhe përkushtimin!

 Me këto dy ndalesa, mbyllim me sukses këtë fazë të fushatës, me qëllimin e përbashkët: rrugë më të sigurta për fëmijët tanë!

 
 
bottom of page