Forcohet akoma partneriteti institucional me Universitetin “Aleksandër Moisiu” në Durrës

12 hours ago
1 min read

Kolegji Tempulli dhe Universiteti “Aleksandër Moisiu” Durrës (UAMD) kanë arritur një marrëveshje bashkëpunimi, duke konsoliduar edhe më tej partneritetin e tyre institucional, i cili daton prej vitesh.

Kjo marrëveshje vendos në fokus të veçantë mobilitetin e studentëve dhe stafit akademik, si një instrument kyç për ndërkombëtarizimin e studimeve, shkëmbimin e përvojave akademike dhe rritjen e kompetencave profesionale.

Në kuadër të saj, parashihet pjesëmarrja e studentëve dhe stafit akademik në Javën Ndërkombëtare që do të mbahet nga 27–30 prill 2026 në UAMD, pjesëmarrja në Konferencën Shkencore të organizuar nga universiteti pritës, si dhe zhvillimi i aktiviteteve të përbashkëta akademike, shkencore dhe kërkimore në të ardhmen.

Kjo marrëveshje konfirmon angazhimin e vazhdueshëm të Kolegjit Tempulli për zgjerimin e mobilitetit studentor, forcimin e partneriteteve rajonale dhe avancimin e cilësisë në arsim dhe kërkim shkencor.

Ftohen stafi akademik dhe studentët të aplikojnë për pjesëmarrje në Javën Ndërkombëtare.

Ftohen stafi akademik dhe studentët të aplikojnë për pjesëmarrje në Konferencë.