Fillojnë aktivitetet e Edicionit të 9-të të Rivistës shkollore “Siguria në rrugë” 2025

Edhe këtë vit, Tempulli dhe AMRKS, në bashkëpunim me MASHTI, Kosovo Police dhe OSCE Mission in Kosovo, filluan aktivitetet me nxënësit e shkollave fillore, në kuadër të fushatës vetëdijësuese “Siguria në rrugë 2025”.

Aktivitetet e sivjetme u lansuan në Shkollën Fillore "Naim Frashëri" në Prishtinë, ku organizatorët mbajtën ligjërata edukative dhe shpërndanë fletushka ilustrative, të cilat përmes ngjyrosjes do të ju ndihmojnë nxënësve të mësojnë në mënyrë argëtuese për veprimet dhe sjelljen e tyre në trafik. Po ashtu nxënësve ju janë shpërndarë edhe vizore elastike.

Fokusi i këtij aktiviteti ishte rëndësia e përdorimit të helmetave gjatë ngasjes së trotineteve dhe biçikletave, si dhe njohja me rregullave dhe grupit të shenjave të trafikut, që i dedikohen lëvizjes së sigurt në rrugë.

Pjesëmarrja aktive dhe interesimi i nxënësve tregojnë qartë se edukimi i hershëm është çelësi për ndërtimin e një kulture të sigurisë.

Faleminderit shkollave, mësimdhënësve dhe nxënësve për bashkëpunimin, mikpritjen dhe përkushtimin.

Së bashku për rrugë më të sigurta!