Bashkëbisedim për thellimin e bashkëpunimit institucional

Menaxhmenti i lartë i Kolegjit Tempulli, së bashku me përfaqësues nga Ministria e Mbrojtjes dhe oficerë të Forcës së Sigurisë së Kosovës, zhvilluan një takim të rëndësishëm pune, i cili u përmbyll me zotimin për thellimin e bashkëpunimit institucional në fusha me interes të ndërsjellë.

Gjatë takimit u diskutua për fuqizimin e partneriteteve ekzistuese, shkëmbimin e përvojave akademike dhe profesionale, si dhe për zhvillimin e projekteve të përbashkëta në fushën e sigurisë, transportit dhe menaxhimit të emergjencave.

Kolegji Tempulli gëzon një traditë të gjatë bashkëpunimi me institucionet e sigurisë në vend. Që nga viti 2001 e në vazhdimësi, përmes bashkëpunimit me Trupat e Mbrojtjes së Kosovës, Tempulli ka kontribuar në ndërtimin e kapaciteteve profesionale dhe shkencore, duke u angazhuar në përgatitjen e kuadrove dhe në zhvillimin e projekteve me rëndësi për sigurinë dhe mbrojtjen.

Ky partneritet i vazhdueshëm është fokusuar edhe në aktivitete të përbashkëta që lidhen me sigurinë rrugore, duke reflektuar vizionin e përbashkët për të integruar arsimin e lartë me nevojat e sigurisë kombëtare duke ndërtuar ura bashkëpunimi ndërmjet botës akademike dhe institucioneve shtetërore të sigurisë.