Bachelor Profesional në Inxhinieri Trafiku dhe Transport

Specializimet e ofruara:​

1. Trafiku dhe Transporti Rrugor

2. Trafiku dhe Transporti Hekurudhor

3. Planifikimi dhe Lëvizshmëria Urbane – Mobiliteti i Mençur

​

Rreth Programit

​

Ky program trevjeçar synon të ofrojë një edukim cilësor dhe të integruar në fushën e inxhinierisë së trafikut dhe transportit. Përmes kombinimit të teorisë, praktikës dhe projekteve ndërvepruese, studentët pajisen me aftësi të avancuara për të adresuar sfidat e sigurisë, efikasitetit dhe qëndrueshmërisë në 

• sektorët rrugor, 

• hekurudhor dhe të 

• mobilitetit urban të mençur.

Programi synon të përgatisë profesionistë të aftë për të kontribuar në zhvillimin e qëndrueshëm të infrastrukturës së trafikut dhe transportit, përmes njohurive teknike, kërkimit të aplikuar dhe bashkëpunimit me industrinë dhe institucionet përkatëse.

Pas përfundimit të programit, studentët do të jenë në gjendje:

• Njohin çështjet të ndryshme etike akademike, profesionale dhe kërkimore;

• Punojnë në mënyrë individuale dhe grupore në probleme teorike dhe praktike; 

• Zhvillojnë aftësi analitike dhe praktike në zgjidhjen e probleme komplekse;         

• Komunikojnë dhe paraqesin punën e tyre duke përdorur gjuhën dhe terminologjinë akademike;

• Njohin rëndësinë e ndërlidhjes në mes të ekonomikes së transportit dhe infrastrukturës rrugore dhe hekurudhore.

Studimet zgjasin tri vite, të ndara në gjashtë semestra. Totali i kredive/ECTS që studenti duhet të arrijë për të marr titullin Bachelor Profesional në Inxhinierinë e Trafikut dhe Trasnportit - Specializimi përkatës është 180 ECTS.

​

Pagesa për vit akademik është 1800 euro.

Kategoritë e zbritjeve janë aplikimi i hershëm, zbritje për kandidatët nga e njëjta familje, për kandidatët e kategorive të caktuara më të cilët Kolegji ka marrëveshje bashkëpunimi apo edhe mënyra e pagesës ku studentët kanë këto lehtësira:

​

• Pagesë me këste mujore,

• Pagesë në gjashtë këste

• Pagesë në katër këste

• Pagesë në dy këste

• Zbritje në rast të pagesave të menjëhershme

Tarifat e studimeve dhe pagesat për shërbime janë të rregulluara në Rregulloren mbi Përcaktimin e Procedurave, Traifave për studime dhe trajnime, neni 2. 

​